দশৰথ মাঝি
দশৰথ মাঝি
বিহাৰৰ গয়া জিলা৷
গয়াৰে এখন অল্পখ্যাত ঠাই গেহলোৰ ৷অতি পিছপৰা এই ঠাইখণ্ডৰে বাসিন্দা আছিল দশৰথ মাঝি
আৰু তেওঁৰ পত্নী ফাল্গুনী দেৱী৷দশৰথ মাঝিৰ গাওঁখনতে এটা শিলৰ পাহাৰ আছিল৷ পাহাৰটোৰ
সিপাৰে থকা চহৰাঞ্চলপাবলৈ গাঁওবাসীয়ে পাহাৰটোৰ কাষে কাষে এক দুৰ্গম,বিপদসংকুল আৰু
দীঘলীয়া পথ অতিক্ৰম কৰিব লগাত পৰিছিল৷ বেমাৰ-ব্যাধিত পৰা গাঁৱৰ কোনো ব্যক্তিক
চহৰলৈ লৈ যাবলৈ প্ৰায় ৭০ কিলোমিটাৰৰ সূদীৰ্ঘ পথ খোজ কাঢ়িব লগীয়া হৈছিল৷ কেতিয়াবা
এনেকুৱাও হৈছিল যে-সংকটজনক অৱস্থাত কোনো ৰোগীক দুৰ্গম পথছোৱাৰে কঢ়িয়াই নিওতে বাটতে
ৰোগীয়ে শেষ নিস্বাস ত্যাগ কৰিছে৷ কোৱাটো বাহুল্য মাথো যে, শিলৰ পাহাৰটোৰ বাবেই
গাঁৱৰ বহুকেইগৰাকী ব্যক্তিয়ে অকাল মৃত্যুক সাবটি ল’বলগীয়া হৈছিল৷
এই শিলৰ
পাহাৰটোৱে এদিন কাল হৈ দেখা দিলেদশৰথ মাঝিৰ পত্নী ফাল্গুনীৰ জীৱনত৷ পাহাৰৰ শিলাময়
পথচোৱা অতিক্ৰম কৰি থাকোতেই শিলত উজুটি খাই ফাল্গুনী বাগৰি পৰে আৰু চিকিৎসাৰ মুখ
নেদেখাকৈয়েসকৰুণ মৃত্যুৰ লগত আলিংগন কৰিবলৈ বাধ্য হয়৷ প্ৰিয়তমা পত্নীৰ বিয়োগে দশৰথ
মাঝিৰ অন্তৰাত্মাক গভীৰভাৱে জোকাৰি গ’ল৷নিয়তিৰ কুটিলতম ষড়যন্ত্ৰৰ বলি হৈ আঁতৰি
যোৱা ফাল্গুনীৰ অবৰ্তমানমাঝিৰ বাবে অসহনীয় হৈ উঠিল৷তেওঁৰ মন-প্ৰাণ আৰু সমস্ত হৃদয়অভাৱনীয়
শোকত ছটফটাব ধৰিলে৷ জীৱনৰ অন্য এক প্ৰান্তত উপস্থিত হৈ তেওঁৰ উপলব্ধি হ’ল যে- এই
শিলৰ পাহাৰটোৱেই তেওঁৰ পত্নীৰ হত্যাকাৰী৷ শিলৰ পাহাৰটো বগাই যাওঁতেই পত্নীৰ মৃত্যু
হৈছিল৷ শিলৰ পাহাৰটোৰ বাবেই গাঁৱৰ অনেকেই মৃত্যুৰ শীতল কোলাত ঢলি পৰিবলগীয়া হোৱা
বাস্তৱটোৰ সৈতে তেওঁ ইতিমধ্যেই পৰিচিত আছিল৷ মুহূৰ্ততে অলৰ-অচৰ শিলৰ পাহাৰটো তেওঁৰ
সমুখতঅট্টহাস্য কৰি থকা এটা নিষ্ঠুৰ হৃদয়ৰ দৈত্যৰ ৰূপ ল’লে৷দৈত্যটোৰ প্ৰতি তেওঁৰ
অন্তৰত প্ৰচণ্ড ক্ষোভ আৰু ক্ৰোধৰ জাগিল৷ তেওঁ সংকল্প ল’লে- পত্নীৰ মৃত্যুৰ দোষত
দোষী এই শিলৰ পাহাৰটো তেওঁ কাটি দ্বিখণ্ডিত কৰিব৷ পাহাৰৰ সমস্ত দম্ভ-অহংকাৰ তেওঁ
নিঃশেষ কৰি দিব৷ ভৱিষ্যতে যাতে পাহাৰটোৱেগাঁৱৰ আন মানুহৰ প্ৰাণ ল’ব নোৱাৰে-সেই
চিন্তাও তেওঁ অৱচেতন মনত সোমোৱাই ল’লে আৰু পাহাৰৰ মাজেৰে পথ নিৰ্মাণ কৰিবলৈ তেওঁ
বদ্ধপৰিকৰ হৈ উঠিল৷
পত্নী-বিয়োগৰ
কেইমাহমান পিছত৷ ১৯৬০ চন৷ হাতত এযোৰ হাতুৰী-বটালী লৈ দশৰথ মাঝিপাহাৰটোৰ সমুখত
হাজিৰ হ’লহি ৷ গাঁৱৰ মানুহে তেওঁক ‘পাগল’ বুলি তোষামোদসূচক বাক্যবাণএৰিলে৷ কোনোবাই
তেওঁক সেই ৰূপত দেখি ‘উন্মাদ’ নাম দি প্ৰাণখুলি হাঁহিলে৷ কিন্তুদশৰথ মাঝিৰঅসাধাৰণভাৱে
প্ৰতিবাদী হৈ পৰা মনটোৰ সমুখত তোষামোদ,ঠাট্টা-মস্কৰাই কোনো গুৰুত্ব নাপালে৷পাহাৰৰ
শিলৰ দৰেই তেওঁ মনটোক কঠিন আৰু সুদৃঢ় কৰি ৰাখিছিল৷
তেওঁ পাহাৰ কটা
আৰম্ভ কৰিলে৷ প্ৰখৰ ৰ’দ,ধাৰাসাৰ বৰষুণ,ধুমুহা-গাজনি- প্ৰকৃতিৰ অনেক প্ৰত্যাহ্বান
নেওচি তেওঁ পাহাৰ কাটি গ’ল৷ পাহাৰ কাটি থাকোতে তেওঁ কেতিয়াবা খোৱাবস্তুৰ নাটনি
হৈছিল;জোঙা শিলত খোঁচ খাই তেওঁৰ একাধিকবাৰ প্ৰচুৰ ৰক্তক্ষৰণ হৈছিল৷ প্ৰাকৃতিক-অপ্ৰাকৃতিক
বিভিন্ন উৎসই মাঝিৰ শৰীৰত আঘাত কৰিছিল ৷ কিন্তু তেওঁৰ মনটো আছিল সদায়েই অক্ষত আৰু
জাগ্ৰত৷ তেওঁ পাহাৰ কাটি গ’ল৷
লাহে লাহে এদিন
দুদিনকৈ এবছৰ পাৰ হ’ল৷ এবছৰ,দুবছৰকৈসম্পূৰ্ণ বাইশটা বছৰ- বাইশটা বছৰদিনে-ৰাতিয়ে
শ্ৰমদান কৰি পাহাৰ কটাৰ পাছতদশৰথ মাঝিৰ মুখত বিজয়সূচক হাঁহিটো বিৰিঙিল৷পাহাৰৰ কঠিন
শিলবোৰ কাটি কাটি তেওঁ সাজি উলিয়ালে এক কিলোমিটাৰ দৈৰ্ঘ্যৰ এটা নতুন পথ৷ যি পথ
অতিক্ৰম কৰোঁতে আগতে কেইবাঘণ্টা সময় লাগিছিল,এতিয়া তাতকৈ বহুগুণে কম সময়ৰ ব্যৱধানত
গাঁৱৰ মানুহে পথছোৱা অতিক্ৰম কৰিব পৰা হ’ল৷
সেইয়া আছিল ১৯৮২
চনৰ কথা৷ হাতুৰী-বটালী লৈ পাহাৰৰ সমুখত থিয় হৈ থকা যিজন দশৰথ মাঝিক বাইশ বছৰৰ আগতে
এচামে উন্মাদ,পাগল আখ্যা দিছিল এতিয়া সেইসকল মানুহেই দশৰথক ‘শ্বাহজাহান’ৰ লগত
তুলনা কৰিলে৷ দশৰথ মাঝি আৰু ফাল্গুনী দেৱীৰ প্ৰেমৰ স্মৃতি বিজড়িত পাহাৰৰ মাজৰ এই
পথটোৱে সৰ্বসাধাৰণ মানুহৰ চকু কপালত তুলিলে৷দশৰথ মাঝিৰ নতুন নাম হৈ পৰিল
‘মাউন্টেইন মেন’৷
এইয়া যে এক
নজিৰ-বিহীন ঘটনা !প্ৰিয়জনৰ বিয়োগত মানুহে কি কি নকৰে ! কোনোৱে ধৰ্মনুষ্ঠান,কোনোৱে
শিক্ষানুষ্ঠান নিৰ্মাণ কৰে৷ কোনোৱে বিশাল স্মৃতিস্তম্ভ নিৰ্মাণ কৰে৷ কোনোৱে
নিৰ্মাণ কৰোৱাই প্ৰকাণ্ড মূৰ্তি৷ কিন্তু এটা হাতুৰী আৰু এটা বটালী লৈ একেলেথাৰিয়ে
বাইশটা বছৰ পাহাৰৰ কঠিন শিল কাটি পাহাৰৰ মাজেৰে পথ নিৰ্মাণ কৰামানুহ পৃথিৱীৰ আন
ঠাইত আছেনে !আৰ্নেষ্ট হেমিঙওৱেৰ কথাই সঠিক-‘মানুহক ধ্বংস কৰিব পাৰি৷ কিন্তু মানুহক
কেতিয়াও পৰাস্ত কৰিব নোৱাৰি৷(Men can be destroyed. But
can never be defeated)’ বিহাৰৰ এখন অখ্যাত গাঁৱৰ দশৰথ মাঝি নামৰ
মানুহজন নিশ্চয় তেনে এজন পৰাজয় স্বীকাৰ নকৰা মানুহেই হ’ব লাগিব৷
Comments
Post a Comment